ମାଲକାନଗିରି ୨୬।୬ (ସତ୍ୟ ନାରାୟଣ ଦାଶ) ମାଣ୍ଡିଆ ଏକ ଶକ୍ତି ଦାୟକ ଓ ପୃଷ୍ଟିକର ଖାଦ୍ୟ ହୋଇଥିବା ବେଳେ ଏହାର ବିକ୍ରୟ ପାଇଁ ସଠିକ ବଜାର ନଥିବାରୁ ଲୋକେ ଧୀରେ ଧୀରେ ଏହାର ଚାଷ କମାଇ ଦେଉଥିବା ବେଳେ ରାଜ୍ୟ ସରକାର ଏହାକୁ ଗୁରୁତ୍ଵ ଦେଇ ଆରମ୍ଭ କରିଥିଲେ ମିଲେଟ ମିସନ । ଏହି ମିସନ ଆରମ୍ଭ ହୋଇଥିବା ବେଳେ ମିସନ ଦ୍ଵାରା ଚାଷୀ ସରକାରଙ୍କ ଠାରୁ ମାଣ୍ଡିଆ ଚାଷ ପାଇଁ ପ୍ରୋତ୍ସାହନ ପାଇଥିବା ବେଳେ ସରକାର ମାଣ୍ଡିଆ କିଣିବା ପାଇଁ ମଣ୍ଡିର ବ୍ୟବସ୍ତା ମଧ୍ୟ କରିଥିଲେ । ଏହା ପରଠାରୁ ରାଜ୍ୟରେ ମାଣ୍ଡିଆ ଉତ୍ପାଦନ ବଢୁଥିବା ବେଳେ ରାଜ୍ୟ ସରକାରଙ୍କ ଏହି ପ୍ରୟାସକୁ ଆହୁରି ଆଗକୁ ନେବା ପାଇଁ ସ୍ଵେଚ୍ଛାକୃତ ଭାବେ ଚାଷୀଙ୍କୁ ପ୍ରୋତ୍ସାହନ ଯୋଗାଉଛି କଳିଙ୍ଗ ଆଗ୍ରୋ ଫୁଡ ଇଣ୍ଡଷ୍ଟ୍ରିର ମିଲେଟ ମୋର ସଂସ୍ଥା । ଏହି ସଂସ୍ଥା ପକ୍ଷରୁ ଲୋକଙ୍କୁ ମାଣ୍ଡିଆ ଚାଷ ପାଇଁ ସ୍ବେଛାକୃତ ଭାବେ ସଚେତନ କରାଇବା ସହ ତାଲିମ ପ୍ରଦାନ କରାଯାଉଛି । ବିଗତ କିଛି ବର୍ଷ ଧରି ମିଲେଟ ମିସନ ଯୋଗୁଁ ମାଲକାନଗିରି ଜିଲ୍ଲାରେ ଅନେକ ଚାଷୀ ଏହି ମାଣ୍ଡିଆ ଫସଲକୁ ଅଧିକ ପରିମାଣରେ ଚାଷ କରି ଆସୁଥିବା ବେଳେ ଏହା ସେମାନଙ୍କୁ ଉତ୍ତମ ରୋଜଗାର ଯୋଗାଇବାରେ ଲାଗିଛି। ରାଜ୍ୟ ସରକାରଙ୍କ ଦ୍ଵାରା ମାଣ୍ଡିଆ କିଣିବା ପାଇଁ ମଣ୍ଡି ବ୍ୟବସ୍ତା କରାଯାଇଥିବା ବେଳେ ମଣ୍ଡିରେ ବିଗତ ବର୍ଷ କିଲୋ ପିଛା ୩୫ ଟଙ୍କାରୁ ଊର୍ଦ୍ଧ୍ଵ ମୂଲ୍ଯରେ ମାଣ୍ଡିଆ କିଣା ଯାଇଥିଲା । ବିଗତ ବର୍ଷ ଜିଲ୍ଲାରେ ୫୦ହଜାର କ୍ଵିଣ୍ଟାଲରୁ ଅଧିକ ଫସଲ ଅମଳ ହୋଇଥିବା ବେଳେ ଏହାର ଅଧିକ ଲାଭ ଯୋଗୁଁ ବର୍ତ୍ତମାନ ଅଧିକ ଚାଷୀ ଏହି ଫସଲ କରୁଥିବା ବେଳେ ଚଳିତ ବର୍ଷ ଏହି ଉତ୍ପାଦନ ଆହୁରି ଅଧିକ ହେବ ବୋଲି ଆଶା ରଖାଯାଇଛି । ତେବେ କଳିଙ୍ଗ ଆଗ୍ରୋ ଫୁଡ ଇଣ୍ଡଷ୍ଟ୍ରିର ମିଲେଟ ମୋର ସଂସ୍ଥା ପକ୍ଷରୁ ଲୋକଙ୍କୁ ମାଣ୍ଡିଆ ଚାଷ ପାଇଁ ସ୍ବେଛାକୃତ ଭାବେ ସଚେତନ କରାଇବା ସହ ତାଲିମ ପ୍ରଦାନ କର ଯାଉଛି । ଜିଲ୍ଲାର ବିଭିନ୍ନ ଅଞ୍ଚଳରେ ଚାଷୀଙ୍କ ନିକଟରେ ଏହି ମିଲେଟ ମୋର ସଂସ୍ଥାର କର୍ମଚାରୀ ମାନେ ପହଞ୍ଚି ଲୋକଙ୍କୁ ମାଣ୍ଡିଆ ଚାଷୀ ପାଇଁ ସଚେତନ କରାଇବା ସହ କେଉଁ ପ୍ରଣାଳୀରେ ଚାଷ କଲେ ଅଧିକ ଫସଲ ଆମ ହେବେ ସେନେଇ ସଚେତନ କରାଉଛନ୍ତି । ସଂସ୍ଥାର ଡାଇରେକ୍ଟର ବିକେ ସ୍ଵାଇଁ ନିଜେ ଏହାକୁ ପରିଚାଳନା କରିବା ସହ ସ୍ଵେଚ୍ଛାକୃତ ରୂପେ ଏହି କାର୍ଯ୍ୟ ହାତକୁ ନେଇ ଜିଲ୍ଲାର ବିଭିନ୍ନ ଗ୍ରାମରେ ଲୋକଙ୍କ ନିକଟରେ ପହଞ୍ଚି ମାଣ୍ଡିଆ ଚାଷ ସମ୍ପର୍କରେ ଜ୍ଞାନ ପ୍ରଦାନ କରାଇବା ଦିଗରେ ପଦକ୍ଷେପ ନେଇଛନ୍ତି । ମିଲେଟ ମିସନ ଓ ଏହି ବେସରକାରୀ ସଂସ୍ଥା ମିଲେଟ ମୋର ଲୋକଙ୍କୁ ଏହି ଚାଷ ପାଇଁ ପ୍ରୋତ୍ସାହନ ଯୋଗାଉଥିବାରୁ ବର୍ତ୍ତମାନ ଅଧିକରୁ ଅଧିକ ଚାଷୀ ଏହି ଚାଷ ପାଇଁ ଆଗ୍ରହ ପ୍ରକାଶ କରୁଥିବା ଦେଖିବାକୁ ମିଳିଛି । ଯେଉଁଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ୫ଟି ସଚିବ ଭିକେ ପାଣ୍ଡିଆନଙ୍କୁ ଚାଷୀ କୁଳ ଓ କଳିଙ୍ଗ ଆଗ୍ରୋ ଫୁଡ ଇଣ୍ଡଷ୍ଟ୍ରିର ମିଲେଟ ମୋର ସଂସ୍ଥାର ଡାଇରେକ୍ଟର ବିକେ. ସ୍ଵାଇଁ ଧନ୍ୟବାଦ ଅରପଣ କରିଛନ୍ତି ।