ମାଲକାନଗିରି,୧୬।୮(ସତ୍ୟ ନାରାୟଣ ଦାଶ) ୭୭ତମ ସ୍ଵାଧୀନତା ଦିବସ ଅବସରରେ ଭାରତକୁ ସ୍ଵାଧୀନତା ଦେଇଥିବା ମହାନ ମହାପୁରୁଷ ମାନଙ୍କ କଥାକୁ ମନେପକାଇ ବହୁ ଆଡମ୍ବରରେ ପଲ୍ଲି ଠାରୁ ଦିଲୀ ପର୍ଯ୍ୟନ୍ତ ସମସ୍ତ ଭାରତୀୟ ଆଜି ସ୍ଵାଧୀନତା ଦିବସ ପାଳନ କରୁଛନ୍ତି । ଏହି ମହାନ ଦିନରେ ମାଲକାନଗିରି ଜିଲ୍ଲା କୋରୁକୋଣ୍ଡା ବ୍ଲକ ସଦରଠାରେ ଥିବା ସମସ୍ତ ସରକାରୀ ବେସରକାରୀ କାର୍ଯ୍ୟ।ଳୟ ସମେତ ବିଭିନ୍ନ ଅନୁଷ୍ଠାନ ଗୁଡିକ ମଧ୍ୟ ବହୁ ଉଲ୍ଲାସର ସହିତ ପାଳନ କରୁଛନ୍ତି । କୋରୁକୋଣ୍ଡା ବ୍ଲକ କାର୍ଯ୍ୟଳୟ ସମେତ ବିଭିନ୍ନ ସ୍ଥାନରେ ସ୍ଵାଧୀନତା ଦିବସକୁ ପାଳନ କରଯାଇଥିଲା । ସେହିପରି ବ୍ଲକ ସଦର ଠାରେ ଥିବା ସ୍ଵାମୀ ଶିବାନନ୍ଦ ଉଚ୍ଚ ମାଧ୍ଯମିକ ବିଦ୍ୟାଳୟ ଠାରେ ଛାତ୍ର ଛାତ୍ରୀ ଏବଂ ସମସ୍ତ ଶିକ୍ଷକ ଶିକ୍ଷତ୍ରିଙ୍କ ଗହଣରେ ବିଦ୍ୟାଳୟର ପ୍ରଧାନ ଶିକ୍ଷକ ସରୋଜ କାନ୍ତ ବେହେରା ପତାକା ଉତ୍ତୋଳନ କରିଥିଲେ । ଏହି ଅବସରରେ କୋରୁକୋଣ୍ଡା ସଦରରେଥିବା ସ୍ଵାମୀ ଶିବାନନ୍ଦ ଉଚ୍ଚ ମାଧ୍ୟମିକ ବିଦ୍ୟାଳୟରେ ମିଲେଟ ମୋର ସଂସ୍ଥା ପକ୍ଷରୁ ଶିକ୍ଷାର ବିକାଶରେ ସହଭାଗୀ ହେବା ପାଇଁ ଜିଲ୍ଲାର ପ୍ରତିଭାଶାଳୀ ଛାତ୍ରମାନଙ୍କ ନିମନ୍ତେ ମେଧା ଛାତ୍ରବୃତ୍ତି ଘୋଷଣା କରଯାଇଥିଲା । ଖୁବ୍ ଶୀଘ୍ର ଜିଲ୍ଲାର ଅନେକ ବିଦ୍ୟାଳୟଗୁଡ଼ିକରେ ମେଧା ଛାତ୍ରବୃତି ପାଇଁ ଚୟନ ପ୍ରକ୍ରିୟା ଆରମ୍ଭ ହେବ, ଏବଂ ଏହି ପ୍ରକ୍ରିୟାରେ ସବୁଠାରୁ ଉତ୍ତମ ପ୍ରଦର୍ଶନକାରୀ ଛାତ୍ର ଛାତ୍ରୀଙ୍କୁ ବୃତ୍ତି ପ୍ରଦାନ କରାଯିବ । ତେବେ କୃଷି କ୍ଷେତ୍ରରେ ଉନ୍ନତି ଆଣିବା ପାଇଁ କାର୍ଯ୍ୟ କରୁଥିବା ଏହି ସଂସ୍ଥା ଶିକ୍ଷା କ୍ଷେତ୍ରରେ ମଧ୍ୟ ବିକାଶ ଆଣିବା ଓ ଛାତ୍ର ଛାତ୍ରୀଙ୍କୁ ପ୍ରୋତ୍ସାହିତ କରିବା ପାଇଁ ଏହି ପଦକ୍ଷେପ ନେଇଥିବା ମିଲେଟ ମୋରର ଚେୟାରମ୍ୟାନ୍ ବି.କେ ସ୍ଵାଇଁ ପ୍ରକାଶ କରିଛନ୍ତି । ଏହି ଅବସରରେ ମିଲେଟ ମୋର ସଂସ୍ଥାର କର୍ମକର୍ତ୍ତା ଦୀପକ କୁମାର ମହାରଣା ଓ ଅନ୍ୟାନ୍ୟ କର୍ମଚାରୀ ମଧ୍ୟ ଉପସ୍ଥିତ ରହି ପିଲାଙ୍କୁ ମିଷ୍ଠାନ, ଜାତୀୟ ପତାକା ଆଦି ବଣ୍ଟନ କରିଥିଲେ ।